BIC Galicia organiza e imparte este Seminario de Motivación Emprendedora, que ten unha duración aproximada de 3 horas.

O obxectivo desta sesión é achegar os asistentes á realidade do mundo da empresa, valorizar a figura do empresario e analizar o proceso que media entre a motivación, a xeración dunha idea e a súa conversión en empresa, destacando a importancia de elaborar un plan de viabilidade e dando a coñecer as ferramentas e axudas que teñen á súa disposición os emprendedores galegos.

Consulte a Axenda de cursos para ver as convocatorias dispoñibles.
 

BIC Galicia organiza e imparte este seminario de xeración e maduración de ideas, que ten unha duración de 15 horas, distribuídas ao longo de tres xornadas. Estas sesións combinan tres grandes grupos de actividades:
 

• Unha tarefa de xeración de ideas a partir da análise de 34 fontes.
• Unha tarefa de maduración de ideas para a súa transformación en ideas empresariais.
• Unha tarefa de avaliación da idea de negocio.

Consulte a Axenda de cursos para ver as convocatorias dispoñibles

BIC Galicia organiza e imparte este seminario de planificación empresarial, que ten unha duración de 35 horas.

O seminario consta de sete sesións de formación e dúas sesións de asesoramento de proxectos.

Nas sete sesións formativas facilítase ao emprendedor a metodoloxía e ferramentas necesarias para o desenvolvemento dun plan de empresa.

Consulte a Axenda de cursos para ver as convocatorias dispoñibles